१२ असार, काठमाडौं । नेकपा एमालेको सल्लाहकार परिषद्को अध्यक्षमा केशव बडाल चयन भएका छन् । परिषद्को शनिबार बसेको बैठकले बडाललाई सर्वसम्मत रूपमा अध्यक्ष चयन गरेको हो ।
बैठकलाई संवोधन गर्दै एमाले अध्यक्ष केपी शर्मा ओलीले केन्द्रीय सल्लाहकार परिषद्ले पार्टीको ‘थिङ्क ट्याङ्क’ को रूपमा काम गनुृ पर्ने बताए । साथै उनले आफ्ना अनुभव र विज्ञताका आधारमा पार्टीलाई सैद्धान्तिक, राजनीतिक, आर्थिक लगायतका प्रश्नमा महत्वपूर्ण सुझावहरू दिएर सहयोग गर्न आग्रह गरेका छन् ।
महासचिव ईश्वर पोखरेलले केन्द्रीय सल्लाहकार परिषद् सदस्यहरूलाई शपथ ग्रहण गराएका छन् । परिषद्का नवनिर्वाचित अध्यक्ष बडालले आफूले सम्पूर्ण शक्ति खर्च गरेर पूरा गर्ने प्रतिवद्धता जनाएका छन् ।
